Վիեննայում ոստիկանական շներին շոգի դեմ կոշիկներ են տրամադրել
Վիեննայում ոստիկանական շներին որոշել են փրկել շոգից եւ տվել են հատուկ կոշիկներ, որոնք թաթերին թույլ չեն տա կպչել շիկացած ասֆալտին: Այս մասին հաղորդել է Wiener Zeitung-ը:
Քաղաքի ոստիկանական վարչության մամուլի քարտուղար Միքայելա Ռոսմանը հայտարարել է, որ կիզիչ մակերեւույթը կարող է լուրջ վտանգ ներկայացնել եւ հանգեցնել շների վնասվածքների, որոնք հարկադրված են երկար ժամանակ անցկացնել փողոցներում:
Սովորաբար կենդանիների թաթերն ընտելացած են բարձր ջերմաստիճաններին, սակայն Վիեննայում հաստատված երեսուն աստիճանի տապն ասֆալտը տաքացնում է միչնեւ հիսուն աստիճան, եւ դա հանգեցնում է թաթերի այրվածքների:
Շների համար հատուկ մշակված կոշիկը նաեւ օգտակար կլինի հրդեհների ժամանակ աշխատանքի համար եւ կենդանիներին կպաշտպանի գետնին եղած սուր առարկաներից:
