Սան-Ֆրանցիսկոյում ռոբոտ են ստեղծել բուրգեր պատրաստելու համար. CNBC

Ամերիկյան Creator ընկերությունը մշակել է ռոբոտացված կոմբայն, որը նախատեսված է պատվերով բուրգեր պատրաստելու համար: Նորույթը Սան-Ֆրանցիսկոյում (Կալիֆոռնիայի նահանգ) շահագործման կհանձնվի սեպտեմբերին: Այդ մասին հայտնել է CNBC հեռուստաալիքը:

Կոմբայնը համալրված է 20 տարբեր համակարգիչներով, 350 սենսորային տվիչներով եւ 50 կատարողական մեխանիզմներով: Դրանք, ինչպես նշվում է, աշխատում են լիովին ավտոմատացված ռեժիմով:

Մեկ բուրգերի պատրաստումը միջին հաշվով տեւում է հինգ րոպե եւ արժե ընդամենը 6 դոլար՝ ԱՄՆ-ում հասարակական սննդի սովորական ձեռնարկություններում առնվազն 12-16 դոլարի համեմատությամբ: Սպասարկող անձնակազմն աշխատանքին միայն միանում է, երբ հարկավոր է պատվեր ընդունել, լրացնել բուլկիների եւ լցոնների պաշարը եւ կերակրատեսակը հասցնել հաճախորդին, հաղորդել է ՏԱՍՍ-ը:

This September, you can get the perfect burger in San Francisco — cooked for you by a robot. https://t.co/BXfQZp8Zvk pic.twitter.com/5T4g8UGpBr

— CNBC (@CNBC) August 1, 2018