Գիտնականները ճաղատացումը կանխելու միջոց են գտել
Ջոնս Հոփքինսի համալսարանի (ԱՄՆ) գիտնականները ցույց են տվել, որ D-PDMP սինթետիկ միացությունը կարող է դադարեցնել մազերի կորուստը, դրանց գունազրկումը եւ մաշկի բորբոքումը: Փորձարարական պատրաստուկը դադարեցնում է գլիկոսֆինգոլիպիդների (GSL) ճարպերի սինթեզը, որոնք մասնակցում են բորբոքային գործընթացների ակտիվացմանը:
Այս մասին հաղորդվում է EurekAlert!-ի մամուլի տեղեկագրում:
Թեեւ պատրաստուկի փորձարկումը կատարվել է միայն մկների վրա, գիտնականները կարծում են, որ համանման արդյունքներ կնկատվեին նաեւ մարդու մոտ: Մասնագետները մտադրվել են այս վարկածն ստուգել ապագա հետազոտություններում:
