Բաքուն ԵԱՀԿ անդամներին կոչ է արել պահանջել Երևանից դուրս բերել զորքերը Ղարաբաղից
Ադրբեջանի ԱԳՆ մամլո քարտուղար Հիքմեթ Հաջիևը ԵԱՀԿ անդամ երկրներին կոչ է արել պահանջել Հայաստանից դուրս բերել զորքերը Ղարաբաղից: Այս մասին տեղեկացնում է Interfax-ը:
«Մենք համառորեն կոչ ենք անում ԵԱՀԿ բոլոր անդամներին կոշտ և միանշանակ պահանջել Հայաստանից կատարել իր պարտավորությունները՝ Հելսինկյան եզրափակիչ համաձայնագրի և միջազգային այլ իրավական փաստաթղթերի համաձայն և դուրս բերել զորքերը Ղարաբաղից»,- հայտարարել է Հաջիևը:
Նաև հավելել է, թե համաձայն Հելսինկյան եզրափակիչ համաձայնագրի սկզբունքների, Ադրբեջանը կապահովի իր տարածքային ամբողջականությունը միջազգայնորեն ճանաչված սահմանների շրջանակներում:
