«Խոսել եմ Կանտեի հետ նրա՝ ՊՍԺ տեղափոխության մասին». Մբապե
Ֆրանսիական ՊՍԺ-ի ֆուտբոլիստ Կիլիան Մբապեն նշել է, որ հավաքականում իր թիմակից Նգոլո Կանտեի հետ քննարկել է վերջինիս ՊՍԺ տեղափոխությունը: Հիշեցնենք, որ Կանտեն այժմ հանդես է գալիս Լոնդոնի «Չելսիում»:
«ՊՍԺ-ի նախագահն ինձ հետ իսկապես քննարկել է Կանդի հարցը, և մենք փոքրիկ խորհրդակցություն ենք ունեցել: Ես խոսեցի Նգոլոյի հետ աշխարհի գավաթի ընթացքում: Մենք խոսել ենք նրա՝ ՊՍԺ տեղափոխության մասին:
Բայց դա կարճ զրույց էր, որովհետև ես գիտեմ, թե ինչ է տեղի ունենում, երբ քո ուղեղը լցնում են տրանսֆերային անհեթեթություններով: Արդյունքում, ես գրություն եմ թողել նրա գրպանում: Այդ գրությունը նա պետք է գտներ տուն վերադառնալիս և պատասխաներ ինձ»,- պատմել է Մբապեն:
Սիրարփի Աղաբաբյան
