Շուկայի մոտակայքում մեքենան այրվել է
Հուլիսի 24-ին` ժամը 15:59-ին, «911» ծառայությանն ահազանգ է ստացվել, որ Երևան քաղաքի Նելսոն Ստեփանյան փողոցում՝ շուկայի մոտակայքում, այրվում է ավտոմեքենա:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է Սաֆարյան փողոցում: Հրդեհը մեկուսացվել է ժամը 16:06-ին, մարվել՝ 16:10-ին: Այրվել է «ՎԱԶ 2107» մակնիշի ավտոմեքենայի շարժիչի հատվածը:
