Արթուր Ռամոս. «Ես Խավին կամ Ինիեստան չեմ, բայց կփորձեմ հնարավորինս մոտենալ նրանց մակարդակին»
Կատալոնական «Բարսելոնայի» նորեկ Արթուր Ռամոսը կատալոնական ակումբ տեղափոխվելուց հետո կիսվել է իր տպավորություններով:
«Ես շատ ուրախ եմ, որ այստեղ եմ: «Բարսելոնային» միանալը երազանք էր, որը գալիս էր մանկությունից: Սա շատ կարևոր է ինձ համար:
Ես Խավին կամ Ինիեստան չեմ, բայց կփորձեմ հնարավորինս մոտենալ նրանց մակարդակին: Ես Արթուրն եմ: Ինձ համար շատ հաճելի է նման ֆուտբոլիստների հետ համեմատվելը:
Չեմ կարող ասել, թե նրանցից ում հետ ես ավելի շատ նմանություններ ունեմ: Նրանք նման են: Ես պետք է ապացուցեմ, թե ինչու եմ այստեղ: Ես գիտեմ, թե ինչի են հասել նրանք, ինձ համար նրանք ուղեցույց կլինեն»,- նշել է Ռամոսը:
Սիրարփի Աղաբաբյան
