«Նեյմարը լեգենդներից մեկն է, մեծ խաղացող, իսկական տաղանդ». Ջանի Ինֆանտինո
ՖԻՖԱ-ի նախագահ Ջանի Ինֆանտինոն նշել է իր կարծիքը ՊՍԺ-ի և Բրազիլիայի ազգային հավաքականի հարձակվող Նեյմարի մասին:
«Նեյմարը մեծ խաղացող է, իսկական տաղանդ: Ես հարգանքով եմ վերաբերվում այնպիսի տաղանդավոր խաղացողներին, որոնք օգնում են մեզ երազել: Չեմ կարող բացասական խոսքեր ասել նրա մասին: Նեյմարը լեգենդներից մեկն է: Իհարկե, նա ապագայում մեզ ավելի շատ ցույց կտա իր ֆուտբոլային ունակությունները»,- ասել է Ինֆանտինոն:
Հիշեցնենք, որ Աշխարհի առաջնության ընթացքում ավելի շատ քննարկվում էր ոչ թե Նեյմարի խաղը, այլ նրա սիմուլյացիաները:
Սիրարփի Աղաբաբյան
