Մադիսոնի արվարձանում պայթյուն է որոտացել. AP

Պայթյուն է որոտացել Մադիսոնի արվարձանում (Վիսկոնսինի նահանգ), կան տուժածներ: Այս մասին հաղորդել է Associated Press գործակալությունը՝ վկայակոչելով տեղական իշխանությունների ներկայացուցիչներին: Գործակալության տվյալներով՝ պայթյունը տեղի է ունեցել այն բանից հետո, երբ շինարարը վնասել է գազատարը, տուժել են երկու հրշեջ եւ ոստիկանության աշխատակիցը:

Մի քանի մարդ հոսպիտալացվել է, զոհվածների մասին տեղեկատվություն չի ստացվել: Պատահարի վայրում հրդեհ է սկսվել:

Միջադեպը տեղի է ունեցել բարի շենքում: Ոստիկանությունը եւ հրշեջ պահպանության աշխատակիցները պատահարի վայր են կանչվել գազի արահոսի մասին տվյալներ ստանալուց հետո: Պայթյունի վայրում հրդեհ է բռնկել: Բոլոր երեք տուժածները հոսպիտալացվել են: Չի բացառվում, որ վնասվածքներ կարող էին ստանալ նաեւ այլ մարդիկ, հաղորդել է ՏԱՍՍ-ը:

https://twitter.com/bymegansheridan/status/1016860469586464768?ref_src=twsrc%5Etfw%7Ctwcamp%5Etweetembed%7Ctwterm%5E1016860469586464768&ref_url=https%3A%2F%2Farmenpress.am%2Farm%2Fnews%2F940473.html