Հայաստանում սկսվել է ռուսական ռազմակայանի անօդաչուների ստորաբաժանման զինծառայողների ուսուցումը
Հայաստանի ռուսական ռազմակայանի անօդաչու թռչող սարքերի (ԱԹՍ) ստորաբաժանումում ծառայություն անցնելու համար ժամանած զինծառայողները ուսուցման են ձեռնամուխ եղել բարձրլեռնային պայմաններում:
Գործնական պարապմունքների սկսվելուց առաջ զինծառայողները ծանոթացել են ժամանակակից անօդաչու ինքնաթիռների տակտիկատեխնիկական բնութագրերին, շահագործման կարգին եւ անվտանգության պահանջներին արդի ռազմական տեխնիկան շահագործելիս, ինչից հետո թռիչքներ կատարելու թույլտվության ստուգարքներ են հանձնել:
Մեկ ամսվա ընթացքում զինծառայողները «Կամխուդ» զորափորձարանում կյուրացնեն լեռնային տեղանքում կողմնորոշվելու, կատապուլտի օգնությամբ ԱԹՍ-ների արձակման եւ չնախապատրաստված բարձրլեռնային հարթակների վրա ինքնաթիռների իջեցման հմտությունները: Անօդաչու թռչող սարքերի հաշվարկների հետ գործնական պարապմունքներում ներգրավված են ռուսական ռազմակայանի 50-ից ավելի զինծառայողներ եւ շուրջ 20 միավոր ռազմական տեխնիկա, այդ թվում՝ անօդաչու ավիացիայի ժամանակակից համալիրներ:
