«Հայաստանի այս նախաձեռնությունը կարող է նպաստել բանակցային գործընթացի ավելի իրական դառնալուն»
Արևելագիտության ինստիտուտի տնօրեն Ռուբեն Սաֆրաստյանը բանակցային գործընթացում տեսնում է Ֆրանսիայի՝ որպես Մինսկի խմբի համանախագահող երկրի դերի ակտիվացում: Նա Ֆրանսիայի ակտիվացման հանգամանքը պայմանավորում է Եվրոպայում այս երկրի դիրքերի ուժեղացման հետ:
«Միացյալ Թագավորությունը դուրս եկավ Եվրամիության կազմից, և այդտեղ միակ միջուկային պետությունը մնաց Ֆրանսիան, ինչը կհանգեցնի երկրի արտաքին քաղաքականության որոշակի ակտիվացմանը, որն էլ առաջիկայում կարտահայտվի միջնորդական գործողությունների մեջ»,-նշեց Սաֆրաստյանը:
Անդրադառնալով Արցախի հիմնահարցի կարգավորմանը՝ նա ողջունեց Հայաստանի իշխանությունների այն նախաձեռնությունը, որով Արցախը պետք է ուղղակիորեն ներկայացված լինի բանակցային գործընթացում:
«Հայաստանի այս նախաձեռնությունը, կարծում եմ, կարող է նպաստել բանակցային գործընթացի ավելի իրական դառնալուն»,- ասաց Ռուբեն Սաֆրաստյանը:
