Ելակով դիետա. 4 օրում ազատվեք 3 կիլոգրամից
Ելակը հարուստ է վիտամին C-ով և ֆոլաթթվով։ 100 գրամ ելակը պարունակում է 30 կալորիա, այդ պատճառով էլ առաջարկվող սննդակարգի շրջանակներում խորհուրդ է տրվում ելակ օգտագործել՝ քաշի նվազեցումն ապահովելու և օրգանիզմին էներգիայի անհրաժեշտ մակարդակով ապահովելու համար։
Fithacker.ru-ն գրում է, որ խորհուրդ է տրվում օրը սկսել 300 գրամ ելակով, նույն քանակով ելակ օգտագործել ճաշից հետո։ Կարող եք նաև մրգային աղցան պատրաստել՝ 250 գրամ ելակին խառնելով կես խնձոր, կես բանան, մի գդալ մեղր և 50 գրամ բնական յոգուրտ։ Ընթրիքին խորհուրդ է տրվում 500 գրամ ելակ օգտագործել։
Սննդակարգի օրինակ
Նախաճաշ։ Մեկ բաժակ թեյ կամ սուրճ՝ 1 գդալ շաքարով, 350 գրամ ելակ, պանիր։
Ընդմիջում։ Փոքրիկ սենդվիչ՝ պատրաստված թեփով հացից, 100 գրամ պանրից և բանջարեղենից։
Ճաշ։ Բանջարեղենային ապուր, բանջարեղենային աղցան՝ կիտրոնի հյութով և 1 ճաշի գդալ բուսական յուղով, 350 գրամ ելակ, մեկ բաժակ սպիտակ գինի։
Ընդմիջում։ 350 գրամ ելակ։
Ընթրիք։ 500 գրամ ելակ, երկու խաշած կարտոֆիլ և 50 գրամ պանիր։
Ելակի օգտագործումը խթանում է օրգանիզմի դետոքսիկացիան, մանրաթելերը լավացնում են նյութափոխանակությունը, իսկ ֆիտոքիմիական նյութերը խթանում են հակաօքսիդանտ ազդեցությունը, որը դրական ազդեցություն է ունենում իմունիտետի և մաշկի թարմ տեսքի վրա։
Հաշվի առեք, որ այս սննդակարգին կարելի է հետևել ընդամենը մի քանի օր, քանի որ այն անհրաժեշտ քանակով սննդարար նյութեր չի պարունակում, ինչպիսիք են սպիտակուցներն ու ճարպերը։
Նյութը հրապարակման պատրաստեց 168.am-ը
