F-15 ամերիկյան կործանիչ է աղետի ենթարկվել Ճապոնիայի ափերի մոտ
ԱՄՆ-ի ռազմաօդային ուժերի F-15 կործանիչ է աղետի ենթարկվել Ճապոնիայի Օկինավա հարավային կղզու շրջանում: Այդ մասին հայտնել է Kyodo գործակալությունը՝ հղում անելով Նահա ճապոնական բազայի հրամանատարությանը:
Նշվում է, որ օդաչուն դուրս է նետվել աղետյալ ինքնաթիռից ու փրկվել Ճապոնիայի ինքնապաշտպանության ուժերի կողմից:
Նախնական տվյալներով՝ կործանիչը մեկնել էր Օկինավայում ԱՄՆ-ի ռազմաօդային ուժերի Կադենա ռազմակայանից: Այն ընկել է ծովը Նահա քաղաքից 80 կմ հեռավորության վրա: Ենթադրվում է, որ կործանումը տեղի է ունեցել մեկնաթռիչքից քիչ անց:
