Ավտոմեքենան արգելափակվել է փոսի մեջ
Հունիսի 11-ին՝ ժամը 05:35-ին, «911» ծառայությանն ահազանգ է ստացվել, որ Երևան քաղաքի Մարշալ Խուդյակով փողոցի սկզբնամասում՝ ճանապարհի երթևեկելի հատվածում, «Nissan Murano» մակնիշի ավտոմեքենան արգելափակվել է փոսի մեջ (մոտ 0,4 մ խորությամբ). անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է. որ ավտոմեքենան արգելափակվել է Խուդյակով փողոցի թիվ 38 շենքի մոտակայքում:
Փրկարարներն արգելափակումից դուրս են բերել «Nissan Murano» մակնիշի ավտոմեքենան (վարորդը՝ Ա. Գ.):
