Գլխացավ, որն առաջանում է նյարդային լարվածության հետևանքով. ուշադիր եղեք
Սթրեսը կարող է ուղեկցվել բազմաթիվ նշաններով, որոնցից ամենահաճախ հանդիպողը գլխացավն է: Steptohealth.ru-ի հաղորդմամբ՝ կարող են նկատվել նաև անքնություն, թուլություն: Առհասարակ գլխացավ կարող է առաջանալ հետևյալ պատճառներով.
- սթրես
- երկար ժամանակ գլխի՝ նույն դիրքով մնալը
- համակարգչի առաջ շարունակական աշխատանք
- քնի ընթացքում գլխի սխալ դիրք
- աչքերի մկանների լարվածություն
- ծխախոտ, ալկոհոլային խմիչք, կոֆեինի չարաշահում
- սինուսիտ
- մրսածություն, գրիպ:
Երբ նյարդային լարվածությունը քրոնիկ բնույթ է ստանում, այն հյուծում է օրգանիզմը, հանգեցնում դրա պաշտպանական կարողությունների թուլացման, հոգնածության, թուլության, գլխացավերի պատճառ դառնում:
Սթրեսով պայմանավորված գլխացավերի դեպքում առկա են հետևյալ նշանները.
- Թույլ ինտենսիվությամբ շարունակական գլխացավ, որը լուրջ անհարմարություններ է պատճառում:
- Ցավը զգացվում է ամբողջ գլխի շրջանում, ընդ որում, ուժեղանում է քունքերի, իրանի ետևի հատվածում:
- Թուլություն, ուժերի անկում:
- Քնելու դժվարություններ:
- Գերզգայունություն եղանակային փոփոխությունների, աղմուկի, լույսի նկատմամբ:
Նյութը հրապարակման պարաստեց 168.am-ը