Rest-Hotel Expo 2018-ում Յունիբանկը ներկայացրեց տուրիզմի ոլորտի համար նախատեսված վարկերը
Յունիբանկը մասնակցեց Rest-Hotel Expo 2018 ցուցահանդեսին, որում ներկայացրեց ՓՄՁ վարկատեսակներ` հատուկ նախատեսված հյուրանոցային և ռեստորանային ոլորտում աշխատող փոքր և միջին ձեռնարկությունների համար: Հատուկ ուղղվածություն ունեցող վարկերը հիմնված են բիզնեսի սեզոնային բնույթի և յուրահատկությունների վրա` հնարավորություն ընձեռելով ՓՄՁ-ներին ֆինանսավորում ստանալ առավելագույնս շահավետ պայմաններով:
Նման մոտեցման շնորհիվ, 2018թ.-ի առաջին եռամսյակի արդյունքներով ՓՄՁ-ներին տրամադրված վարկերի ընդհանուր քանակը 50%-ով գերազանցել է նախորդ տարվա նույն ցուցանիշը:
Եվրոպական ներդրումային բանկի հետ համագործակցության շրջանակներում զբոսաշրջության ոլորտում ընդգրկված ձեռնարկություններին Յունիբանկն առաջարկում է բիզնես վարկեր մինչև 90 ամիս մարման ժամկետով և 10.5% տարեկան տոկոսադրույքով ՀՀ դրամի դեպքում:
Ձեռնարկությունների գործունեության արդյունավետության և մրցունակության բարձրացման նպատակով KfW գերմանական բանկի հետ համագործակցությամբ Յունիբանկն առաջարկում է «Էներգաարդյունավետ» վարկը, որը նախատեսված է էներգածախսերի կրճատման և օպտիմիզացման համար: Վարկի ժամկետը կազմում է մինչև 5 տարի, գումարը` մինչև 500 մլն ՀՀ դրամ:
Փոքր բիզնեսին բանկն առաջարկում է վարկեր առանց գրավի` տրամադրման պարզեցված ընթացակարգով, առանց նոտարական և ապահովագրական ծախսերի: Շահավետ պայմանները, մարման ճկուն ժամանակացույցը և վաղաժամկետ մարման հնարավորությունը բարձրացնում են վարկային միջոցների հասանելիությունը մեծ թվով ձեռնարկատերերի համար: Անգրավ վարկերի ուսումնասիրման գործընթացը բանկում ավտոմատացված է և իրականացվում է «Պրոտոբեյզ Լաբարատորիզ» ընկերության CRM համակարգի միջոցով:
Հաշվի առնելով հյուրանոցային և ռեստորանային բիզնեսի առանձնահատկությունները, Յունիբանկում կարելի է նաև ձևակերպել վերականգնվող վարկային գծով Visa Business քարտ` աշխարհի ցանկացած կետում օպերատիվ վճարումներ կատարելու համար:
«Զբոսաշրջության ոլորտի ձեռնարկություններին մենք առաջարկում ենք հատուկ վարկեր, որոնք մշակելիս հաշվի ենք առել իրենց գործունեության բոլոր յուրահատկությունները: Նման վարկային ծրագրերն աշխատում են բարձր արդյունավետությամբ և ապահովում են ձեռնարկությունների հետագա զարգացումն ու աճը: Rest-Hotel Expo 2018 գրավիչ հարթակ է նոր գործընկերների հետ համագործակցություն հաստատելու և բիզնեսին մեր վարկատեսակների առավելությունները ներկայացնելու համար, – նշեց Յունիբանկի Կորպորատիվ բիզնեսի զարգացման և վաճառքների տնօրեն Դավիթ Պետրոսյանը:
