ԱՄՆ-ի փոխնախագահը հավաստել է աջակցությունը Վրաստանի եվրատլանտյան ինտեգրացմանը
ԱՄՆ-ի փոխնախագահ Մայք Փենսը մայիսի 23-ին Վաշինգտոնում հանդիպում է ունեցել Վրաստանի վարչապետ Գեորգի Կվիրիկաշվիլիի հետ: Այդ մասին հայտնել է Սպիտակ տունը:
«Փոխնախագահը… հավաստել է ԱՄՆ-ի կայուն աջակցությունը Վրաստանի ինքնիշխանությանն ու տարածաքային ամբողջականությանը միջազգայնորեն ճանաչված սահմաններում ու հավաստել է նաեւ, որ ԱՄՆ-ը պաշտպանում է Վրաստանի եվրատլանտյան ինտեգրացումը: Ղեկավարները պայմանավորվել են ուսումնասիրել տնտեսական ու ու առեւտրական համագործակցության ամրապնդման հետագա ուղիները»,- ասված է Սպիտակ տան հաղորդագրության մեջ:
Հիշեցնենք, որ Փենսն անցյալ տարի այցելել է Վրաստան:
