Ինչպես հասկանալ Աղեղնավորին. ամենը՝ «օտարականի» մասին

Soulpost.ru-ն գրում է, որ Աղեղնավորը տեսնում է այն ամենը, ինչ մյուսները չեն էլ նկատում։ Նրանք առանձնանում են նվիրվածությամբ, հավատով, իրենց շրջապատում են դրական միջավայրով, քանի որ ժպտերես են, կենսուրախ։ Աղեղնավորը մշտապես մեծացնում է սեփական հետաքրքրությունների շրջանակը, փորձում հասկանալ կյանքի իմաստը։

Ավելիի պահանջարկը նրանց մշտական հետազոտությունների է դրդում։ Նրանք սովորում են ամբողջ կյանքում։ Աղեղնավորները սիրում են հետազոտել այլ մշակույթներ, երկրներ, ճանաչել տարբեր գաղափարախոսություններ և սովորություններ։ Այս ամենը մի նպատակ ունի՝ գտնել սեփական ճշմարտությունը. այն ճշմարտությունը, որը համապատասխանում է նրանց պոտենցիալին, համոզմունքների համակարգին։

Աղեղնավորները հենվում են սեփական ինտուիցիայի վրա։ Մեկ այլ դեպքում Աղեղնավորը կարող է միավորվել որոշակի հավատի հետ ու այն դարձնել սեփական ճշմարտությունը։ Աղեղնավորը կարող է նաև փիլիսոփա և ինտելեկտուալ լինել։ Նա սիրում է բանավիճել մարդկանց հետ՝ քննարկելով տարբեր կարծիքներ՝ իր ճշմարտությունը պարզելու համար։ Աղեղնավորի վերջին արքետիպն Ուսուցիչն է. մարդ, ով տարածում է սեփական հավատը կամ աշխարհայացքը։ Նրանք ցանկանում են, որ մյուսները համաձայնեն դրա հետ, քանի որ դա իսկապես ճշմարիտ են համարում։

Աղեղնավորները, որպես կանոն, ուժեղ կամք ունեն, ձեռնարկում են կառուցողական քայլեր՝ սեփական նպատակներին հասնելու համար։ Լավատես, գրավիչ մարդիկ են, ովքեր մեծ կիրք ունեն կյանքի և գիտելիքի հանդեպ։ Սուր զգացողություններ են ունենում ինտելեկտուալ հետազոտություններ կատարելիս։ Առատաձեռն են, մարդիկ, ովքեր միշտ կկիսվեն իրենց գիտելիքներով և կսովորեցնեն այն ամենը, ինչ գիտեն։ Սակայն Աղեղնավորը երբեմն կարող է շատ կապված լինել սեփական հայացքներին, համոզմունքներին և սովորություններին։ Արդյունքում՝ լայն աշխարհայացքը կարող է նեղանալ, Աղեղնավորը կարող է կոնֆլիկտներ ունենալ մարդկանց հետ։

Աղեղնավորի մեկ այլ բացասական գիծ կարող է լինել փոփոխականությունը։ Արդյունքում՝ նա կարող է մտքերի, պահանջների, ծրագրերի, հայացքների խառնաշփոթ ստեղծել։

Նյութը հրապարակման պատրաստեց 168.am-ը