Մոուրինիոն պլանավորում է «Մանչեսթեր Յունայթեդ» հրավիրել Բոնուչիին
«Միլանի» ավագ, պաշտպան Լեոնարդո Բոնուչին կարող է կարիերան շարունակել Անգլիայում: Ինչպես հաղորդում է Tuttosport-ը, 31-ամյա իտալացու ծառայություններով հետաքրքրված է «Մանչեսթեր Յունայթեդի» գլխավոր մարզիչ Ժոզե Մոուրինիոն:
Մեկ տարի առաջ Բոնուչին 42 մլն եվրոյի դիմաց «Յուվենթուսից» տեղափոխվեց «Միլան»: Տեղափոխության պատճառներից մեկը նշվում էր թուրինցիների գլխավոր մարզիչ Մասիմիլիանո Ալեգրիի հետ ունեցած սկանդալը:
2017թ. ամռանը պաշտպանն առաջարկներ ուներ «Չելսիից» և «Ռեալից», բայց կրտսեր որդու լուրջ հիվանդության պատճառով չէր ցանկանում լքել Իտալիան: Այժմ, երբ երեխան ապաքինվել է, ֆուտբոլիստը կարող է փոխել առաջնությունը:
Պատրաստեց Անի Գաբուզյանը
