Տարոն Մարգարյանը մտադիր չէ հրաժարական տալ
Երևանի քաղաքապետ Տարոն Մարգարյանը մտադիր չէ հրաժարական տալ։ «Մեր օրակարգում նման հարց չի քննարկվում, քաղաքապետարանը իր հունով իր ծրագրերն իրականացնում է»,- այսօր կառավարությունում լրագրողների հետ ճեպազրույցում հայտարարեց Տ.Մարգարյանը։
Դիտարկմանը, որ ՀՀԿ-ական թիմը հեռացել է իշխանությունից, իսկ ինքը այդ թիմի անդամ է, Տ.Մարգարյանը հակադարձեց. «Մենք դիտարկում ենք տեղական ինքնակառավարում ու Երևան համայնքը քաղաքային տնտեսություն և այդ քաղաքային տնտեսությունում մեր աշխատանքներն իրականացնում ենք»։
