Թունիսում մեկ մարդ է զոհվել, ևս 60-ը՝ տուժել գնացքների բախման հետևանքով
Մարդատար երկու գնացքներ են բախվել Թունիսի մայրաքաղաքի արվարձանում, զոհվել է մեկ մարդ, եւս առնվազն 60 հոգի վերքեր են ստացել: Այդ մասին, հայտնել է Mosaique FM ռադիոկայանը:
Բեն Արուսի նահանգի նահանգապետը, որտեղ տեղի է ունեցել վթարը, հայտնել է շարժակազմերից մեկի մեքենավարի զոհվելու մասին: 60 տուժածներից առնվազն երկուսը ծանր վիճակում են: Նշվում է, որ առայժմ չպարզված պատճառով գնացքները հայտնվել են երկաթուղու նույն գծին, հաղորդել է ՌԻԱ Նովոստին:
