Հրդեհ «Սևան ազգային պարկ»-ի տարածքում
Մայիսի 3-ին՝ ժամը 16:32-ին, «911» ծառայությանն ահազանգ է ստացվել, որ Գեղարքունիքի մարզի Արեգունի գյուղի մոտ այրվում է անտառածածկ տարածք:
Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից 4 մարտական հաշվարկ, հրշեջ-փրկարարական ջոկատի և մարզային փրկարարական վարչության օպերատիվ խմբերը:
Պարզվել է, որ հրդեհը բռնկվել է Գեղամասար գյուղի «Սևան ազգային պարկ» ՊՈԱԿ-ի տարածքում: Հրդեհը մեկուսացվել է ժամը 18:47-ին, մարվել` 20:37-ին:
Հրդեհի հետևանքով այրվել է մոտ 4 հա անտառային տարածք: Հրդեհաշիջման աշխատանքներին մասնակցել են 23 հրշեջ-փրկարար և 15 անտառտնտեսության աշխատակից:
