Ավստրիայի կանցլերը քննադատել է Եվրահանձնաժողովի ներկայացրած բյուջեի նախագիծը
Ավստրիայի կանցլեր Սեբաստյան Կուրցը Եվրամիության երկարաժամկետ բյուջեի վերաբերյալ Եվրահանձնաժողովի (ԵՀ) առաջարկությունը համարել է «ընդունելի որոշումից հեռու»: «Brexit-ից հետո մեր նպատակը պետք է լինի ավելի խնայողական, գործնական եւ արդյունավետ Եվրամիությունը»,- հայտարարել է Կուրցը Twitter-ում:
Եվրահանձնաժողովը մայիսի 2-ին ներկայացրել է բազմամյա ֆինանսական պլանի (MFF) նախագիծը, որն այժմ պետք է հաստատում անցնի ԵՄ-ի խորհրդում եւ Եվրախորհրդարանում: Բյուջեի եվրակոմիսար Գյունտեր էթինգերը հայտարարել է, որ Եվրահանձնաժողովը Brexit-ից հետո Եվրամիությունում մնացած 27 երկրներին առաջարկում է 2021 – 2027 թվականներն ընկած ժամանակամիջոցում ավելացնել ԵՄ-ի բյուջե վճարումները նախորդ յոթ տարվա համեմատությամբ, հաղորդել է ՌԻԱ Նովոստին:
