«Հեռախոսս ու iPad-ս ջարդել են, ձեռքիցս վերցրել են, մեքենաս ավերել են». լրագրողը ենթարկվել է բռնության
Լրագրող Վրույր Թադևոսյանն Ավան-Առինջի ճանապարհից ֆեյսբուքյան էջով ուղիղ հեռարձակմամբ տեղեկացրել էր, որ մի խումբ դիմակավոր մարդիկ փակել են ճանապարհը։ Իր մեքենայից նկարահանում իրականացնող լրագրողի աշխատանքը, սակայն, խոչընդոտեցին փողոցը փակած դիմակավոր անձինք։ Նրանք սպառնալիքներ հնչեցրին, և ուղիղ եթերն անջատվեց։ Դեպքից մոտ մեկ ժամ անց իր ֆեյսբուքյան էջում լրագրողը կատարեց հետևյալ գրառումը.
«Ժողովուրդ ջան, հիմա իմ կյանքին վտանգ չի սպառնում: Ես հասել եմ ռադիո: Հեռախոսս ու iPad-ս ջարդել են, ձեռքիցս վերցրել են, մեքենաս ավերել են, բայց մանրամասներ ավելի ուշ կգրեմ: Շնորհակալ եմ: Հիմա էլ մի անհանգստացեք: Հասանելի չեմ»:
