Վթար Արմավիր-Նորապատ ավտոճանապարհին. մեքենան դուրս է եկել ճանապարհի երթևեկելի հատվածից և բախվել հարակից տան պատին
Ապրիլի 1-ին՝ ժամը 12:41-ին, Արտակարգ իրավիճակների նախարարություն տեղեկություն է ստացվել, որ Արմավիր-Նորապատ ավտոճանապարհի 1-ին կիլոմետրին տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել երկու մարտական հաշվարկ:
Պարզվել է, որ Արմավիր-Նորապատ ավտոճանապարհի 1-ին կիլոմետրին «Volkswagen Jetta» մակնիշի 35 QU 524 պետհամարանիշով ավտոմեքենան (վարորդ՝ 1988 թ. ծնված Ն. Բ.) դուրս է եկել ճանապարհի երթևեկելի հատվածից և բախվել հարակից տան պատին. տուժածներ չկան:
Փրկարարները հոսանքազրկել են ավտոմեքենան և փակել գազի բալոնի փականը:
