Անտուան Գրիզմանը տուն է փնտրում «Բարսելոնայում»
Կարծես թե «Ատլետիկոյի» հարձակվող Անտուան Գրիզմանը պատրաստվում է «կապտանռնագույնների» կազմ տեղափոխվելուն: Ընթացիկ մրցաշրջանի ընթացքում բազմաթիվ անգամներ տեղեկություն է հայտնվել այն մասին, որ «Բարսելոնան» արդեն համաձայնեցրել է «Ատլետիկոյի» հետ Գրիզմանի տրանսֆերը:
Ինչպես հաղորդում է Marca-ն, այս խոսքերի հերթական հաստատում կարող է ծառայել այն փաստը, որ ֆրանսիացի հարձակվողը տուն է փնտրում Բարսելոնայում: Ըստ աղբյուրի տեղեկույթան՝ Անտուանի կինը դիմել է անշարժ գույքի գործակալություն և արդեն հասցրել է նայել մի քանի տարբերակներ Բարսելոնայից 20 կմ հեռավորության վրա գտնվող էլիտար շրջանում, որտեղ տվյալ պահին ապրում են Լիոնել Մեսսին, Լուիս Սուարեսը և Ֆիլիպե Կոուտինիոն:
Այսպիսով, ամենայն հավանականությամբ, ամռանը «կապտանռնագույնների» հարձակումը կավելանա ևս մեկ թոփ-հարձակվողով:
Պատրաստեց Անի Գաբուզյանը
