«Մխիթարյանն ուզում է ձեռք բերել «Արսենալի» ԴՆԹ-ն». Պեր Մերտեզակեր
«Արսենալի» պաշտպան Պեր Մերտեզակերը նշել է «զինագործների» ձմեռային նորեկ Հենրիխ Մխիթարյանի բարձր մակարդակը:
«Ինձ ասացին, որ նա արդեն կատարել է 5 գոլային փոխանցում և ես զարմացած չեմ, որովհետև նա գերազանց տեսնում է դաշտը և շատ կրեատիվ ֆուտբոլիստ է: Նա ոչ միայն լավ ֆուտբոլիստ է, այլ նաև շատ լավ մարդ: Հենրիխը հետաքրքրված է իր առաջընթացով և ուզում է սովորել, չնայած որ արդեն 29 տարեկան է: Նրա հետ աշխատելը ուղղակի ցնցող է: Նա ուզում է ձեռք բերել «Արսենալի» ԴՆԹ-ն, որն այդքան շատ է իրեն սազում»,- գերմանացու խոսքերն է մեջբերում Evening Standard-ը:
Պատրաստեց Անի Գաբուզյանը
