Վանատուր թաղամասի գերեզմանատան մոտ ավտոմեքենա է արգելափակվել
Փետրվարի 17-ին, ժամը 13:48-ին տեղեկություն է ստացվել, որ Կոտայքի մարզի Հրազդան քաղաքի Վանատուր թաղամասի գերեզմանատան մոտակայքում «Nissan X-Trail» մակնիշի ավտոմեքենան արգելափակվել է. անհրաժեշտ է փրկարարների օգնությունը:
Դեպքի վայր է մեկնել հրշեջ-փրկարարական ջոկատի օպերատիվ խումբը:
Փրկարարները «Nissan X-Trail» մակնիշի 35 RG 865 պետհամարանիշով ավտոմեքենան դուրս են բերել արգելափակումից:
