Թուրքիան Սիրիայում քիմիական զենք է կիրառել
Թուրք զինվորականները թունավոր նյութեր են կիրառել Սիրիայի Աֆրինի շրջանում, 6 մարդ հոսպիտալացվել է շնչահեղձության նշաններով: Այս մասին հայտնում է սիրիական SANA գործակալությունը՝ հղում անելով Աֆրինի հիվանդանոցի տնօրեն Ջոան Մոհամադին:
«Թուրքական ռեժիմի ուժերի կողմից Արանդա գյուղում թունավոր գազով ռումբեր կիրառելու հետևանքով 6 մարդ շտապօգնության բաժին է տեղափոխվել շնչահեղձության նշաններով»,- ասել է Մոհամադը:
Թուրքիան հունվարի 20-ին հայտարարել է Աֆրինում «Ձիթենու ճյուղ» ռազմական օպերացիայի մեկնարկի մասին: Օպերացիայի գլխավոր նպատակը Սիրիայի քրդական «Ժողովրդավարական միություն կուսակցության»ռազմական թև հանդիսացող «Ժողովրդական ինքնապաշտպանական ջոկատներ-ի (ԺԻՋ-YPG) հենակետերի դեմ պայքարն է:
