«Արցախն անկախ պետություն է, որն ունի դրա անհրաժեշտ բոլոր ցուցիչները». Ֆրենկ Փալոն

«Արցախն անկախ պետություն է, որն ունի դրա անհրաժեշտ բոլոր ցուցիչները». Ֆրենկ Փալոն

Ղարաբաղյան շարժումը հիմք հանդիսացավ մասսայական այնպիսի մի ինքանակազմակերպման, որն ի վերջո հանգեցրեց անկախ Ղարաբաղի կամ Հայաստանի հետ վերամիավորմանն ուղղված հանրաքվեի: «Արցախպրես»-ի փոխանցմամբ՝ երեկ Ստեփանակերտի Վերածննդի հրապարակում կայացած հանրահավաքի ժամանակ, տեսաուղերձով շնորհավորելով Ղարաբաղյան շարժման 30-ամյակի կապակցությամբ, այս մասին ասել է Ամերիկայի Միացյալ Նահանգների կոնգրեսական Ֆրենկ Փալոնը:

 «Անցած 30 տարիների ընթացքում բազմիցս այցելել եմ Արցախ: Իմ վերջին այցելությունը եղել է 2017 թվականի սեպտեմբերին, երբ ելույթով հանդես եմ եկել ԱՀ Ազգային ժողովում: Ես չափազանց տպավորված եմ Արցախի ժողովրդով, թե ինչպես է նրան հաջողվել ոտքի կանգնել՝ լինելով Ադրբեջանի հարձակման էպիկենտրոնում, ինչպես է հաղթել Ադրբեջանին և անկախ պետություն ստեղծել: Պետություն, որը ժողովրդավար է ու մեծապես գտնվում է օրենքի գերակայության ներքո: Համոզված եղե՛ք, որ այստեղ՝ Միացյալ նահանգների կոնգրեսում՝ մասնավորապես կոնգրեսի հայկական հարցերի հանձնախմբում, որը շարունակում եմ համանախագահել ինքս, բոլորս Ձեզ հետ ենք և շարունակելու ենք աշխատանքներ տանել՝ ապացուցելու համար, որ Արցախն անկախ պետություն է, որն ունի դրա համար անհրաժեշտ բոլոր ցուցիչները: Մենք սատարում ենք ձեզ և ինքնորոշման Ձեր իրավունքը»,-ավելացրել է Ֆ. Փալոնը:

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։