Ինչից են զոհվել երկու օդաչուները
Ռուսաստանի Տոմսկի մարզում Մի-8 ուղղաթիռի վթարային վայրէջքի ժամանակ տուժածներից երկուսը զոհվել են: Այդ մասին հայտնել է երկրի արտակարգ իրավիճակների նախարարության՝ Տոմսկի մարզի գլխավոր վարչության մամուլի ծառայությունը, տեղեկացնում է «Ինտերֆաքս»-ը:
«Ճշտված տվյալներով՝ երկու մարդ (անձնակազմը) զոհվել է, չորսը՝ տուժել»,- ասված է մամուլի տեղեկագրում: Ավելի վաղ հաղորդվել էր, որ Տոմսկի մարզում Մի-8 ուղղաթիռի կոշտ վայրէջքի ժամանակ տուժել է վեց մարդ. անձնակազմի երեք անդամ, երկու բժիշկ եւ հիվանդ մի կին, որին հեռավոր գյուղից տանում էին Ստրեժեւոյ:
