«Հայաստանում սուր շնչառական վարակով հիվանդների թիվը նվազում է». ՀՀ գլխավոր ինֆեկցիոնիստ

«Հայաստանում սուր շնչառական վարակով հիվանդների թիվը նվազում է». ՀՀ գլխավոր ինֆեկցիոնիստ

Ինչպես հայտնի է, վերջին մեկ ամսվա ընթացքում Հայաստանում աճել էր գրիպով, սուր շնչառական վարակով հիվանդների թիվը: 168.am-ի հետ զրույցում ՀՀ Առողջապահության նախարարության գլխավոր ինֆեկցիոնիստ Արա Ասոյանն ասաց, որ այս պահին սպառնացող թվեր չունենք:

«Վերակենդանացման բաժանմունքում ծանր դեպքեր չունենք: Թե՛ հիվանդանոց, թե՛ պոլիկլինիկաներ դիմողների թիվն այս վերջին մեկ շաբաթվա ընթացքում նույնիսկ նվազել է»,- նշեց Ա. Ասոյանը:

Մեր ճշտող հարցին՝ աստիճանաբար հիվանդությունը նահանջո՞ւմ է, Ա. Ասոյանը պատասխանեց, թե կարծում է՝ սուր շնչառական վարակով հիվանդների թիվը նվազում է:

Նա նկատեց, որ ավելի շատ դիմում են երեխաների համար. «Մեծահասակները գրիպով չեն սիրում դիմել բժշկին, նրանք տնային պայմաններում են բուժվում, երեխաների մոտ մի քիչ ավելի բարդ է ընթանում, մի քիչ էլ ծնողներն ավելի հոգատար են, ու դա է պատճառը, որ երեխաների դիմելիությունն ավելի մեծ է»:

Ա. Ասոյանի խոսքով, սակայն, դրանից չեն կարող եզրակացնել, որ հիվանդությունն ավելի շատ երեխաների շրջանում է տարածված. «Բոլորի մոտ էլ տարածված է, ուղղակի մեծահասակները չեն դիմում, տանը հոնով, մոշով թեյ են խմում, իսկ երեխաների համար դիմում են հիվանդանոցներ, պոլիկլինիկաներ»:

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։