Կենդանակերպի ամենառոմանտիկ նշանները
Կանանց մեծ մասը սիրում է ռոմանտիկ տղամարդկանց: Flytothesky.ru-ն ներկայացրել է ամենառոմանտիկ տղամարդկանց:
Խոյերը սիրելիի համար պատրաստ են ցանկացած քայլի: Եթե դրա համար պահանջվի օդապարիկ նստել կամ ռոմանտիկ երեկույթ կազմակերպել տանիքին, Խոյն առանց մտածելու՝ կանի դա: Բայց միայն մեկ անգամ: Նա չի պատրաստվում մի քանի տարի սպասել. շուտով նրա սիրտը կգրավի մեկ ուրիշը:
Ցուլերին դժվար է ռոմանտիկ համարել, քանի որ նրանք սովոր են առաջնորդվել սթափ մտածողությամբ: Նրանք չափազանց պրագմատիկ են: Այս տղամարդկանց ավելի շատ համապատասխանում են կանայք, ովքեր տղամարդուց տոն չեն սպասում, այլ նախապես միասին քննարկում են սպասվող ընթրիքը:
Երկվորյակ տղամարդիկ պաշտում են խոսելը: Կարևոր չէ՝ ում հետ և ինչի մասին: Կարևոր է միայն, որ շփումը հաճույք պատճառի, ճանաչողական լինի երկուսի համար էլ: Եթե ձեզ համար ռոմանտիկան ամբողջ գիշեր հեռախոսով խոսելն է կամ ծովի ափին քայլելը, Երկվորյակն անպայման կօգնի ձեզ:
Խեցգետին տղամարդիկ հաճախ վճռական չեն, պասիվ են հարաբերությունների կառուցման սկզբնական շրջանում: Չի կարելի ասել, թե րանք շատ ռոմանտիկ են, բայց եթե աղջիկը կարողացել է գրավել Խեցգետնի սիրտը, վերջինս դանդաղ, բայց հստակ քայլերով առաջ կշարժվի: Սակայն այսպիսի քայլերի Խեցգետինը կարող է գնալ միայն այն դեպքում, երբ վստահ լինի, որ հաջողելու շանսեր ունի:
Առյուծները սիրած աղջկան զարմացնելու ցանկության դեպքում կարող են այնպիսի տոն կազակերպել, որը կարող է ցուցադրվել նաև հեռուստատեսությամբ: Առյուծն իրեն դուր եկած աղջկան հաճոյախոսություններ կանի, թանկարժեք նվերներ կնվիրի: Նա կանի հնարավոր ամեն բան՝ ապացուցելու համար, որ ինքը լավագույն տղամարդն է:
Կույսերն առհասարակ ռոմանտիկ չեն: Սերն ապացուցում են ոչ թե խոսքերով, այլ քայլերով, հավատարմությամբ ու հոգատարությամբ: Կույսը կհամաձայնի ռոմանտիկ երեկո անցկացնել, եթե իմանա, որ աղջկա համար դա կարևոր է, բայց դժվար թե զբաղվի երեկոյի կազմակերպմամբ:
Կշեռքները զարգացած դատողություն ունեն: Կնոջը հասնելու համար նախ որոշ ժամանակ ուշադրությամբ կհետևեն նրան: Եթե աղջիկը հետաքրքրություն ցուցաբերի, Կշեռք տղամարդը պարբերաբար քայլեր կանի: Կշեռքները ռոմանտիկ չեն, բայց նրանց գրավչությունը, ուշադրություն հատկացնելու կարողությունը հաճախ փոխարինում են ծաղկեփնջերին ու թանկ ռեստորաններ այցելելուն:
Կարիճները երբեք խոչընդոտներ չեն տեսնում: Եթե կա նպատակ, կլինեն նաև գործողություններ, որոնք ի վերջո կհանգեցնեն ցանկալի արդյունքի: Կարիճները ռոմանտիկ են:
Աղեղնավորները կփորձեն հասնել իրենց դուր եկած աղջկան ընդունված ձևերով՝ ծաղիկներ, ռեստորան, զանգեր: Նա չի պատրաստվում տարիներով սպասել: Աղեղնավորն աղջկանից պատասխան ռեակցիա է սպասելու արդեն իսկ առաջին հանդիպման ընթացքում: Եթե Աղեղնավորը դա չի նկատում, անցնում է հետաքրքրության այլ օբյեկտի:
Այծեղջյուրները ռոմատիկ չեն: Բայց եթե նպատակ են դրել հասնել կնոջը, ամենայն հավանականությամբ, կհասնեն իրենց ուզածին: Կարևոր չէ՝ մեկ ամիս կամ մեկ տարի անց, կարևորն արդյունքն է: Որպես կանոն՝ Այծեղջյուրներն աղջիկներին գրավում են իրենց քայլերով:
Ջրհոսները հիմնականում ռոմանտիկ չեն: Նրանք իմաստ չեն տեսնում ռոմանտիկ միջավայր ստեղծելու համար «գլուխ ջարդելու» մեջ: Բայց եթե աղջիկն անզիջում լինի, Ջրհոսը կարող է անցնել իր սկզբունքների վրայով և աղջկա համար տոն ստեղծել:
Ձկները ռոմանտիկ են: Նրանք իդեալական են ռոմանտիկայի սիրահար աղջիկների համար: Նա կարող է ժամերով պատմել այն մասին, թե որքան է երազում վառ ապագայի, մեծ ընտանիքի ու օվկիանոսի ափին տուն ունենալու մասին:
Նյութը հրապարակման պատրաստեց 168.am-ը
