Ազատվում ենք փորկապությունից
Fithacker.ru-ն գրում է, որ աղիների հետ կապված խնդիրները դանդաղեցնում են նյութափոխանակությունը, փորկապության, տոքսինների կուտակման պատճառ դառնում։ Այս 5 բաղադրատոմսերը կօգնեն ազատվել փորկապությունից՝ լավացնելով նյութափոխանակությունը։
1. Բանան և թուզ։ Թուզը մանրաթելեր է պարունակում, որոնք օգնում են խթանել աղիների աշխատանքը։ Աղիների մաքրմանը նպաստում է նաև բանանը։
Բաղադրիչներ
- 1 հասած բանան
- 1 թարմ կամ չորացրած իմբիր
- 1 թեյի գդալ բնական մեղր
- կես բաժակ ջուր։
Պատրաստման եղանակը։ Բոլոր բաղադրիչները խառնեք բլենդերում, մինչև ստանաք միասեռ զանգված։ Փորկապությունից ազատվելու համար խորհուրդ է տրվում այն ըմպել երեկոյան՝ քնելուց 1-2 ժամ առաջ։
2. Ալոէի ու մեղրի հյութ։ Ալոէի հյութը բնական լուծողական է համարվում։ Մեղրի համադրության հետ այն օգնում է պահպանել բակտերիաների հավասարակշռությունը։
Բաղադրիչներ
- կես բաժակ ջուր
- 6 թեյի գդալ ալոէ վերայի գել
- 1 թեյի գդալ մեղր։
Պատրաստման եղանակը։ Քամեք ալոէի հյութը։ Բոլոր բաղադրիչները խառնեք բլենդերում, որ ստանաք միասեռ զանգված։ Երկու շաբաթ խմեք նախաճաշին։
3. Խնձոր և պապայա։ Պապայան ֆերմենտներ է պարունակում, որոնք օգնում են սնունդի վերամշակմանը։ Խնձորն իր հերթին՝ մանրաթելեր է պարունակում, որոնք հարկավոր են աղիների նորմալ աշխատանքի համար։ Այս մրգերի համադրությունը լուծողական ազդեցություն է ունենում, օրգանիզմին լրացուցիչ էներգիա հաղորդում։
Բաղադրիչներ
- 1 կանաչ խնձոր
- կես բաժակ ջուր
- 3 կտոր թարմ պապայա
- 1 թեյի գդալ մեղր։
Պատրաստման եղանակը։ Բոլոր բաղադրիչները խառնեք բլենդերում, մինչև ստանաք միասեռ զանգված։ Խորհուրդ է տրվում երկու շաբաթվա ընթացքում օգտագործել ամեն օր՝ նախաճաշին։
4. Նարինջ և կիվի։ Կիվին նյութեր է պարունակում, որոնք օգնում են լավացնել աղիների անցանելիությունը։ Նարնջի հետ համադրելու դեպքում այն կարող է բնական լուծողականի ազդեցություն ունենալ։
Բաղադրիչներ
- 5 նարնջի հյութ
- 4 կիվի։
Պատրաստման եղանակը։ Բաղադրիչները խառնեք բլենդերում, մինչև ստանաք միասեռ զանգված։ Աշխատեք խմել պատրաստելուց անմիջապես հետո։ Գերադասելի է հյութը խմել նախաճաշելուց 30 րոպե առաջ։
5. Տանձ և կտավատի սերմեր։ Սրանք մեծ քանակով մանրաթելեր ու հակաօքսիդանտներ են պարունակում, որոնք հարկավոր են նյութափոխանակության համար։
Բաղադրիչներ
- կես բաժակ ջուր
- 2 տանձ
- 1 ճաշի գդալ կտավատի սերմեր։
Պատրաստման եղանակը։ Բաղադրիչները խառնեք բլենդերում, մինչև ստանաք միասեռ զանգված։ Խորհուրդ է տրվում խմել պատրաստելուց անմիջապես հետո երեք շաբաթվա ընթացքում։
Նյութը հրապարակման պատրաստեց 168.am-ը