Եմենում կառավարական ուժերն ու ապստամբները ռազմագերիների փոխանակում են իրականացրել
Եմենի հոուսիթ ապստամբների և կառավարական ուժերի միջև ռազմագերիների փոխանակում է տեղի ունեցել: Ինչպես հաղորդում է «ՌԻԱ Նովոստի»-ն, կողմերը 275 հոգի են փոխանակել:
«Նախագահ Աբդ Ռաբբա Մանսուր Հադիի ուժերը ազատել են «Անսար Ալլա» խմբավորման 165 գերիների, իսկ հոուսիթներն ազատել են Եմենի բանակի 110 զինվորների»,- հայտնել է գործակալության աղբյուրը:
Փոխանակումը տեղի է ունեցել երկրի հարավ-արևելքում գտնվող Էլ-Բեյդ նահանգում:
