Վենգերը չի որոշել՝ երբ կկայանա Հենրիխ Մխիթարյանի դեբյուտը «Արսենալի» կազմում
«Արսենալի» գլխավոր մարզիչ Արսեն Վենգերը դեռ չի որոշել՝ կկարողանա արդյոք կիսապաշտպան Հենրիխ Մխիթարյանը մեկնարկել «զինագործների» կազմում Անգլիայի առաջնության 25-րդ տուրի «Սուոնսիի» դեմ խաղում: Հանդիպումը տեղի կունենա հունվարի 30-ին:
«Ես դեռ չեմ որոշել: Այդ հարցի կապակցությամբ մենք որոշում կկայացնենք երկուշաբթի: Նա պատրաստ է խաղին և երևում է, որ նա հիասքանչ ֆուտբոլիստ է: Ես նրան ավելի լավ ճանաչեցի 2-3 օրվա ընթացքում, քանի մենք պատրաստվում էինք և փնտրում էինք նրա համար օպտիմալ դիրք»,- Վենգերին է մեջբերում Metro-ն:
ԱՊԼ-ի 24 տուրերից հետո «Արսենալը» հավաքելով 42 միավոր՝ գրավում է մրցաշարային աղյուսակի 6-րդ հորիզոնականը:
Պատրաստեց Անի Գաբուզյանը
