«Էվերթոնին» պետք է «Լեսթերի» հարձակվող Ջեյմի Վարդին
«Լեսթերի» հարձակվող Ջեյմի Վարդին հայտնվել է «Էվերթոնի» հետաքրքրությունների շրջանակում:
Մերսիսայդցիները շարունակում են ուժեղացում փնտրել իրենց հարձակման գծի համար, չնայած այն բանին, որ վերջերս ձեռք են բերել Թեո Ուոլքոթին և Ջենք Թուսոնին:
Ինչպես հաղորդում է Sky Sports-ը, «Էվերթոնը» հետաքրքրված է «Լեսթերի» հարձակվող Ջեյմի Վարդիի տրանսֆերով: Հաղորդվում է, որ ֆուտբոլիստին իր թիմում ուզում է տեսնել անձամբ «Էվերթոնի» գլխավոր մարզիչ Սեմ Էլարդայսը:
31-ամյա հարձակվողի գործող պայմանագիրը «Լեսթերի» հետ նախատեսված է մինչև 2020 թվականը:
Ընթացիկ մրցաշրջանում Վարդին ԱՊԼ-ում անցկացրած 22 խաղերում դարձել է 9 գոլի հեղինակ:
Պատրաստեց Անի Գաբուզյանը
