«Վերին Լարսի անցակետում խնդիրները լուծվել են». Վահան Մարտիրոսյան
«Վերին Լարսի անցակետը փակ չէ, պարզապես ժամանակ առ ժամանակ եղանակային պայմաններից ելնելով՝ դադարեցվում է երթևեկությունը՝ մաքրելու նպատակով։ Դա կարող է տևել մի քանի ժամ, 1 օր։ Բնական է, որ, եթե հոսքը մեծ է, մի քանի ժամ փակելուց կուտակումներ կլինեն»,- այսօր կառավարության նիստից հետո լրագրողների հետ զրույցում հայտարարեց տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը։
Նա չհամաձայնեց, որ անցակետում ռուսական կողմը խոչընդոտներ է ստեղծում հայ վարորդների համար, և կոռուպցիոն ռիսկեր կան։ Վ.Մարտիրոսյանը հավաստիացրեց, որ իրենք պարբերաբար հանդիպում են թե՛ ռուսական կողմին, թե՛ հայ փոխադրողներին՝ խնդիրները հասկանալու և լուծումներ տալու համար։
«Ժամանակին եղել են խնդիրներ, խնդիրները լուծվել են»,- ասաց նախարարը։
Մանրամասները՝ տեսանյութում
