Սերժ Սարգսյա՞ն, թե՞ Կարեն Կարապետյան. Իգնատի Առաքելյանը գտավ ելքը
Գյուղատնտեսության նախարար, ՀՀԿ խորհրդի անդամ Իգնատի Առաքելյանն այսօր կառավարության նիստից հետո կոպիտ կերպով մերժեց պատասխանել լրագրողի հարցին, թե հաջորդ տարի ապրիլից ինքն ո՞ւմ կնախընտրեր տեսնել վարչապետի պաշտոնում՝ Սերժ Սարգսյանի՞ն, թե՞ Կարեն Կարապետյանին։
Հարցը լսելուց հետո Առաքելյանը նախ՝ անտեսեց այն և դիմեց մյուս լրագրողներին` այլ հարցերի ակնկալիքով, իսկ երբ հարցը կրկնվեց, կտրուկ հայտարարեց, թե անտեսում է լրագրողի հարցերը:
Հաջորդ հարցը՝ Նժդեհի ուսմունքը սովորեցի՞ք, վերջին կաթիլն էր. դժվար դրությունից Իգնատի Առաքելյանը գտավ ելքը՝ արագ հեռանալով։
Մանրամասները՝ տեսանյութում
