Կառավարությունը պարտադիր զորակոչից տարկետման իրավունք կտրամադրի մի խումբ դպրոցականների
Կառավարությունը պարտադիր զորակոչից տարկետում կտրամադրի 8 տարեկանում դպրոց գնացած կամ 1 տարի արտերկրում բնակվող մի խումբ դպրոցականների՝ Հարություն Ասատրյան, Պողոս Սարգսյան, Մանուկ Եղիազարյան, Լևոն Թադևոսյան, Անդրանիկ Բարխուդարյան, Թելման Սարգսյան, Վանիկ Կարապետյան, Էդգար Հովհաննիսյան, Խաչիկ Խաչատրյան։ Այդ մասին որոշման նախգիծն ընդգրկված է կառավարության դեկտեմբերի 14-ի նիստի օրակարգում:
11-րդ և 12-րդ դասարաններում սովորող մի խումբ դպրոցականների պարտադիր զինվորական ծառայության զորակոչից տարկետում կտրվի, քանի որ նրանց 18 տարին լրացել է մինչև 2018 թվականի ամառային զորակոչը:
Վերջիններիս ուսումնառությունն ուշացել է կամ արտերկրում գտնվելու ու կրկին Հայաստան վերադառնալու, կամ 8 տարեկան հասակում դպրոց գնալու պատճառով:
