Սոցցանցերում էջերը տոներին նախապատրաստելու 5 խորհուրդ

Գալիք ամանորյա և սուրբծննդյան տոները ոսկե ժամանակ են սեփական բիզնեսի համար սուցցանցերից առավելագույն օգուտ քաղելու համար:

1. Կատարեք տոնական ձևավորում

Սկսեք սոցցանցերում Ձեր ընկերության էջերի տոնական ամանորյա ձևավորումից: Ամենից առաջ դա պրոֆիլի և շապիկի նկարն է: 

Հատկապես այդ թեման լավ կաշխատի Ֆեյսբուքում, քանի որ նկարի/շապիկի փոխարինումն արտահայտվում է էջերի ժամանակացույցում և օգտատերերի նորությունների ժապավեններում:

Լրացուցիչ Ֆեյսբուքի շապիկին կարելի է ավելացնել ուղեկցող տեքստ՝ տեղադրելով այնտեղ ինչ-որ գործողություն կատարելու կոչ:

2. Ակտիվորեն օգտագործեք հեշթեգեր

Ավելորդ չի լինի հնարել ինքնատիպ ամանորյա հեշթեգ, որի օգնությամբ Դուք կարող եք կապել Ձեր ընկերության կոնտենտը բոլոր սոցցանցերում: Կարելի է նաև հաջող օգտագործել պոպուլյար հեշթեգեր՝ սեփական հրապարակումների ընդգրկումը մեծացնելու համար:

Օրինակ.

#newyears #newyearsday #newyear #2016 #newyearseve #newyears2016 #bye2015 #hello2016 #newyearsresolution #dec31 #jan1 #instagood #celebration #photooftheday #newyearscelebration #newyearsparty #party #fun

Հեշթեգերն ամենից լավ աշխատում են Ինստագրամում և Թվիթերում:

3. Մտածեք զեղչերի համակարգ

Դեկտեմբերն ամիսն է, երբ մարդիկ ամբողջ աշխարհում ակտիվորեն գումար են ծախսում: Պատահական չէ, որ ամանորյա և սուրբծննդյան ժամանակահատվածում ռիթեյլերները ստանում են տարեկան շահույթի մոտ 20 տոկոսը: Զեղչեր, ակցիաներ. բառեր, որոնք առաջին հերթին են հրապուրում հաճախորդներին: 

Հստակ առաջարկներ ստեղծելու համար Ֆեյսբուքի էջերն արդեն ունեն պատրաստի գործիք, որն այդպես էլ կոչվում է՝ «Առաջարկ»: 

4. Հրապարակեք ամանորյա կոնտենտ

Սոցցանցերը նախատեսված են, առաջին հերթին՝ շփման համար: Շփվեք Ձեր հետևորդների հետ, հարցումներ անցկացրեք, հրապարակեք թեմատիկ նյութեր: 

Երևակայությունը չի՞ բավարարում. կան հիասքանչ օնլայն ծառայություններ, որոնք ամեն ինչ կանեն Ձեր փոխարեն:

1. PromoRepublic – բազում մտքեր հրապարակումների համար + պրոֆեսիոնալների կողմից գրված ավելի քան 1000 գրառումներ Ֆեյսբուքի, Թվիթերի և Вконтакте-ի համար:

2. eCardPage – էջի առաջխաղացման օրիգինալ մեթոդ թեմատիկ բացիկների օգնությամբ: Մի քանի հավաքածուներ, 3 լեզուների աջակցություն, որը գերազանց արտահայտվում է ինչպես՝ Ֆեյսբուքում, այնպես էլ՝ Google+-ում:

Դե՛, իհարկե, մի մոռացեք երկար արձակուրդներից առաջ հրապարակել շնորհավորական գրառում հետևորդների համար, ամփոփել տարվա արդյունքները, հետաքրքրել ապագա պլաններով, նվերներ բաժանել:

5. Կազմակերպել նվերների խաղարկություն

Սոցցանցերում Ձեր ընկերության առաջխաղացման ամենաարդյունավետ մեթոդներից մեկը մրցույթներն ու մրցանակների խաղարկությունն է: Պարտադիր չէ դրա համար հատկացնել մեծ բյուջե և խաղարկել «iPhone»-ներ և այլ թանկ բաներ:

Ոչ թանկ, բայց ոչ պակաս պահանջարկ ունեցող և հաճելի մրցանակների օրինակներ.
սեփական արտադրությունը (եթե կա),
բջջային հաշվի լիցքավորում,
երկու տոմս (կինո/թատրոն),
պոպուլյար օնլայն ծառայության թվային լիցենզիա,
Ձեր խանութում առևտուր անելու N չափի կտրոն: 

Չարժե զեղչեր խաղարկել: Մրցանակը պետք է ակնթարթային լինի, որը կարելի է արագ վերցնել:

Խորհուրդ №1. Ստեղծագործական մրցույթները (ֆոտո/էսսե/վիդեո), չնայած իրենց գայթակղիչ լինելուն, հազվադեպ են հավաքում մեծ քանակության մասնակիցներ: Առաջին հերթին՝ դրանք պահանջում են մասնակիցներից մեծ ժամանակային ծախս: Երկրորդ հերթին՝ քվեարկությանը շատերը չեն վստահում: Երրորդ հերթին՝ այդպիսի մրցույթները երկար ժամանակ են անցկացվում և հասցնում են ձանձրացնել ինչպես՝ մասնակիցներին, այնպես էլ՝ կազմակերպիչներին: Մեկ երկար տևող ֆոտոմրցույթի տեղ կարելի է կազմակերպել ամենշաբաթյա խաղարկություններ՝ մի քանի օր տևողությամբ և պատահականության երաշխավորված էֆեկտով:

Խորհուրդ №2. Մրցույթների համար ընտրեք մասնագիտացված հավելվածներ, որն իր վրա կվերցնի ամբողջ աշխատանքը: Այո, այդպիսի հավելվածները վճարովի են, բայց դուք կտնտեսեք ժամանակ և կստանաք մի շարք լրացուցիչ ֆունկցիաներ, որոնք թույլ կտան մրցույթից ստանալ առավելագույնը:

Պատրաստեց Անի Գաբուզյանը