Ֆրանսիական «Գուժեր» բուլկիների բաղադրատոմսը, որը հիացմունք կպատճառի Ձեզ

«Գուժեր»

Բաղադրիչներ

1. Ջուր – 1/2 բաժակ
2. Կարագ – 50 գ
3. Ալյուր – 100 գ
4. Կարտոֆիլի օսլա – 20 գ
5. Ձու – 3 հատ
6. Պինդ պանիր – 100 գ
7. Աղ – 1 պտղունց
8. Միջուկ՝ ըստ ճաշակի

Պատրաստման եղանակը

1. Պանիրը քերել մանր քերիչով:

2. Խառնել օսլան և ալյուրը:

3. Թասի մեջ ջուր լցնել, ավելացնել կարագը, աղ ցանել և հասցնել եռման:

4. Եռացող ջրի մեջ լցնել ալյուրի և օսլայի խառնուրդը: Պետք է արագ խառնել, որպեսզի այուրը չկպչի թասի պատերին: Անջատել կրակը, լավ խառնելով՝ մի փոքր սառեցնել խմորը:

5. Ավելացնել մեկական ձու, ընդ որում, ամեն անգամ հունցել խմորը: Այն պետք է հեշտությամբ պոկվի թասից:

6. Հետո խմորին ավելացնել քերած պանիրը և խառնել:

7. Տաքացնել ջեռոցը՝ մինչև 200 աստիճան:

8. Տապակի վրա ալյուր շաղ տալ և գդալի օգնությամբ վրան խմորից փոքրիկ գնդիկներ ձևավորել: Պետք է հաշվի առնել, որ բուլկիները թխելիս բավականին մեծանում են:

9. Թխել 20 րոպե: 20 րոպե անց անջատել ջեռոցը, մի փոքր բացել դռնակը և թողնել 10 րոպե: Հետո կտրել բուլկիները և միջուկ ավելացնել:

Միջուկի տեսակ կարող է լինել, օրինակ՝ պանիր՝ սխտորով և մայոնեզով, ինչպես նաև՝ ձուկ, խավիար և այլն: Տարբերակները շատ են:

Պատրաստեց Անի Գաբուզյանը