«Աղքատության կրճատման հիմնական նպատակը տնտեսական աճն է և եկամտաստեղծ գործունեությունը»
Հայաստանում 29.4% աղքատության ցուցանիշները ավելի լուրջ ուսումնասիրության կարիք ունեն, որպեսզի աշխատանքի և սոցիալական հարցերի նախարարությունն իր ծրագրերն ավելի հասցեական իրականացնի: Այս մասին այսօր ԱԺ-ում լրագրողների հետ զրույցում հայտարարեց նախարար Արտեմ Ասատրյանը:
«Աղքատության կրճատման հիմնական նպատակը տնտեսական աճն է և եկամտաստեղծ գործունեությունը»,- ասաց նա:
Թե ի՞նչ խորհուրդ կտա նախարարը թոշակառուներին և անապահով խավի ներկայացուցիչներին, որոնց թոշակներն ու նպաստները հաջորդ տարի չեն ավելանում, Ա.Ասատրյանը նշեց, որ պարզ ու անկեղծ ներկայացրել են, որ հնարավորություններն ու ցանկություններն այսօր միմյանց չեն համապատասխանում:
