Ալբան քննադատել է «Վալենսիայի» երկրպագուներին
«Բարսելոնայի» պաշտպան Ժորդի Ալբան, ով 2007-2012 թվականներին հանդես էր գալիս «Վալենսիայի» կազմում, վերջինիս հետ խաղից հետո քննադատել է ակումբի երկրպագուներին:
«Ես չեմ հասկանում նրանց վերաբերմունքը: Նրանք պետք է հարգեն ինձ: Իմ տրանսֆերը թիմին մեծ գումարներ է բերել: Ես միշտ շնորհակալ կլինեմ իմ նախկին ակումբին, բայց հիմա ես խաղում եմ աշխարհի լավագույն ակումբում:
Բայց ես չեմ հասկանում երկրպագուների պահվածքը: Կարծում եմ՝ նրանք պետք է հարգեն ինձ այնպես, ինչպես ես եմ հարգում նրանց»,- նշել է Ալբան:
Հիշեցնենք, որ «Վալենսիան» Ալբայի համար ստացավ 12 մլն եվրո:
Սիրարփի Աղաբաբյան
