Դերասաններ Քենեթ Բրանան և Աննա Ֆրիլը դարձել են Emmy մրցանակի 2017 թվականի դափնեկիրներ
Բրիտանացի դերասաններ Քենեթ Բրանան եւ Աննա Ֆրիլը տեղ են գտել Հեռուստատեսային գիտությունների եւ արվեստների ակադեմիայի Emmy միջազգային մրցանակի 2017 թվականի դափնեկիրների թվում: Դափնեկիրների պարգեւատրման արարողությունը նոյեմբերի 20-ին կայացել է Նյու Յորքում:
Բրանան լավագույն դերասան է ճանաչվել «Վալլանդեր» սերիալում խաղացած դերի, իսկ Ֆրիլը պարգեւի է արժանացել «Մարչելլա» սերիալում կատարած աշխատանքի համար: Որպես լավագույն փաստագրական նախագիծ է նշվել հեռուստառադիոհաղորդումների BBC բրիտանական կորպորացիայի EXODUS:
Our Journey to Europe սերիալը, որը ներկայացնում է Եվրոպա ուղեւորվող փախստականների պատմությունը: Լավագույն դրամատիկական սերիալ է ճանաչվել նորվեգական Mammon II-ը: Մրցանակների են արժանացել նաեւ Կանադայի, ԱՄՆ-ի, Բելգիայի, Գերմանիայի, Թուրքիայի եւ Ֆրանսիայի արտադրության հեռուստատեսային նախագծերը, հաղորդել է ՏԱՍՍ-ը:
