Պիցցայի համար, թերևս, լավագույն սոուսը. հիասքանչ բաղադրատոմս Ջեյմի Օլիվերից

Ձեզ ենք ներկայացնում տնական լոլիկով սոուսի հիասքանչ բաղադրատոմս, որը հարմար է հատուկ պիցցայի համար: Հանրահայտ խոհարար Ջեյմի Օլիվերի այս բաղադրատոմսով պատրաստված սոուսը կարելի է օգտագործել նաև սպագետիի և այլ կերակուրների հետ:

Բաղադրիչներ

1. Լոլիկ – 450-500 գ
2. Սխտոր – 2 ատամիկ
3. Ռեհան – 1 փունջ
4. Աղ, սև պղպեղ՝ ըստ ճաշակի
5. Ձիթապտղի յուղ – 2 ճ/գ

Պատրաստման եղանակը

1. Լոլիկները կեղևազրկել:

2. Տաքացնել տապակը, լցնել ձիթապտղի յուղը, ավելացնել ռեհանը և ծեծած սխտորը: Տապակել 1 րոպե: Ավելացնել լոլիկը, տրորել բահիկով: Աղ և պղեպղ ցանել: Պատրաստել միջին կրակի վրա 3-5 րոպե:

3. Ստացված սոուսն անցկացնել քամիչով, ստանալ միասեռ զանգված և մատուցել:

Պատրաստեց Անի Գաբուզյանը