«ԵՄ-Վրաստան ասոցացման համաձայնագրի արդյունքները տեսանելի են». Հան
Եվրոպական հարևանության քաղաքականության և ընդլայնման բանակցությունների հարցերով ԵՄ հանձնակատար Յոհանես Հանը անդրադարձել է Վրաստանի հետ ասոցացման համաձայնագրի իրականացման վերաբերյալ Եվրահանձնաժողովի զեկույցին: Այս մասին տեղեկացնում է interpressnews.ge-ն:
«Արդեն իսկ տեսանելի են Վրաստանի հետ կնքված ասոցացման համաձայնագրի արդյունքները: Եվրոպական չափանիշներին մոտենալու ճանապարհին Վրաստանն առավել մրցունակ է դառնում միջազգային շուկայում: Եվրամիություն առևտրի ոլորտում Վրաստանի խոշորագույն գործընկերն է: Սա առավել հստակ դարձավ 2017 թվականի ցուցանիշներից հետո»,-ասել է Հանը:
Վրաստանի հետ ասոցացման համաձայնագրի իրականացման վերաբերյալ Եվրահանձաժողովի զեկույցը հրապարակվել է այսօր՝ նոյեմբերի 10-ին: Փաստաթղթում գնահատված է Վրաստանի կողմից իրականացված բարեփոխումներն ու դրանց արդյունքները:
