ՏԻՄ ընտրությունների ժամանակ քվեարկության ընթացքի և քվեարկության արդյունքների ամփոփման տեսանկարահանում ու համացանցային հեռարձակում ԸՕ-ն չի նախատեսում. ԿԸՀ
Տեղական ինքնակառավարման ընտրությունների ժամանակ ՀՀ կենտրոնական ընտրական հանձնաժողովի կողմից ընտրական տեղամասերից քվեարկության ընթացքի և քվեարկության արդյունքների ամփոփման գործընթացի տեսանկարահանման և միաժամանակյա համացանցային հեռարձակման կազմակերպում Ընտրական օրենսգրքով չի նախատեսվում:
Այս մասին տեղեկացնում է ՀՀ կենտրոնական ընտրական հանձնաժողովը` պարզաբանելով Armlur.am կայքում` նոյեմբերի 5-ին հրապարակված «Ճամբարակում ընտրողներն ակտիվ են. ընտրատեղամասերում տեսախցիկներ չկան» վերտառությամբ հոդվածին։
Դրանում հոդվածագիրը, անդրադառնալով այսօր Ճամբարակ համայնքում անցկացվող ՏԻՄ ընտրություններին, նշել է. «Ընտրատեղամասերի մեծ մասում տեսախցիկներ չկան»:
