«Տվյալ պահին «Մանչեսթեր Սիթին» Եվրոպայի լավագույն թիմն է». Պոչետինո
«Տոտենհեմի» գլխավոր մարզիչ Մաուրիսիո Պոչետինոն բարձր կարծիքի է «Մանչեսթե Սիթիի» մասին, որը գլխավորում է ԱՊԼ-ի առաջնությունը և ժամանակից շուտ դուրս եկավ Չեմպիոնների լիգայի փլեյ-օֆֆ:
«Մրցաշրջանի մեկնարկին լավագույն ֆուտբոլը Եվրոպայում ցուցադրում է «Մանչեսթեր Սիթին»: «Քաղաքաբնակները» շատ լավ տեսք ունեն Պրեմիեր լիգայում և Չեմպիոնների լիգայում՝ ցուցադրելով անհավանական խաղ: Տեսնենք՝ կհաջողվի արդյոք նրանց ստաբիլ անցնել ամբողջ մրցաշրջանը, բայց հիմա նրանք հիասքանչ տեսք ունեն: Տվյալ պահին «Մանչեսթեր Սիթին» Եվրոպայի լավագույն թիմն է»,- Պոչետինոյի խոսքերն է մեջբերում Daily Mail-ը:
Պատրաստեց Անի Գաբուզյանը
