«Իմ կարծիքը նույնն է մնացել». Դիդիե Դեշամը հրաժարվել է վերադարձնել Բենզեմային Ֆրանսիայի հավաքական
Ժամանական է, որ «Ռեալի» հարձակվողը մոռանա ազգային թիմի մասին:
Ֆրանսիայի հավաքականի գլխավոր մարզիչ Դիդիե Դեշամը մեկնաբանել է «Ռեալի» հարձակվող Քարիմ Բենզեմայի խոսքերը, ով խոստովանել է, որ ցանկանում է վերադառնալ ազգային թիմ:
«Ես չեմ տեսել Բենզեմայի հարցազրույցը, որովհետև թերթ հաճախ չեմ կարդում: Ակնհայտ է, որ ինձ հասցրել են նրա բառերի մեծ մասը: Յուրաքանչյուր ֆուտբոլիստ իրավունք ունի խոսել: Շատերը կցանկանային խաղալ Ֆրանսիայի հավաքականում:
Դուք գիտեք իմ կարծիքն այդ հարցի վերաբերյալ և այն մնացել է նույնը: Ես չեմ փոխել կարծիքս»,- Դեշամին է մեջբերում Sports.fr-ը:
Բենզեման չի հրավիրվում Ֆրանսիայի հավաքական 2015 թվականից՝ Մաթյո Վալբուենային շանտաժի ենթարկելու պատճառով:
Հոկտեմբերի 31-ին Դեշամը երկարաձգեց պայմանագիրը «եռագույնների» հետ՝ մինչև 2020 թվականը:
Պատրաստեց Անի Գաբուզյանը
